![]() | |
---|---|
![]() | |
Alministración | |
País | ![]() |
Departamentu | Bolívar |
Tipu d'entidá |
corregimiento de Colombia (es) ![]() |
Códigu postal |
131048 |
Xeografía | |
Coordenaes | 10°06′12″N 75°11′56″W / 10.103318°N 75.199013°O |
Demografía | |
![]() |
San Basilio de Palenque ye un correximientu del conceyu de Mahates, nel departamentu de Bolívar, Colombia, declaráu Patrimoniu Cultural ya Inmaterial de la Humanidá por ser el primeru d'América; un llugar alloñáu de les colonies al que los esclavos africanos escapaben pa vivir en llibertá, con autonomía ya independencia. Nel Palenque de San Basilio inda se caltienen delles tradiciones como'l llinguaxe, la comida, el baille, y cultura propia de los africanos. Atópase allugáu mui cerca de la Canal del Dique, a 50 km de la ciudá de Cartagena de Indias. Tien una población averada de 3.500 persones y llenda colos correximientos de Malagana, San Cayetano, San Pablo y Palenquito. Por ser un correximientu, nun tener autonomía económica, nin alministrativa.
El pueblu foi fundáu por esclavos fugaos principalmente de Cartagena de Indias nel sieglu XVI y lliberaos por Benkos Biohó. La pallabra "palenque" fai referencia a les empalizadas llevantaes polos esclavos africanos fuxitivos, mientres la dómina colonial, p'abelugase de los sos persiguidores. El de San Basilio, ye un palenque fundáu nel sieglu XVII por un grupu de cimarrones que, sol comandu de Domingo Biohó (el mesmu Benkos Biohó enriba citáu pero con nome propiu español) fuxeron pa recuperar la so llibertá. La hestoria del santu del pueblu (san Basilio), la escultura taba siendo tresportada al pueblu de san Agustín de sablera blanca, nel pasu pol palenque quedóse apexada y foi imposible sacala de la folla, pa los palenqueros tratar d'un presaxu y adoptaron al santu, como'l santu del pueblu.[1] L'aislamientu dexó-yos caltener la mayoría de les tradiciones culturales africanes en Colombia (música, práutiques médiques, organización social y ritos culturales) y entá ye más, desenvolvieron una llingua criolla, amiestu del español coles llingües africanes orixinaries (el palenquero). Por cuenta de les sos carauterístiques úniques na so hestoria, formación, cultura y llingua, el Palenque foi declaráu pola Unesco como Patrimoniu Cultural Inmaterial de la Humanidá.[2]
San Basilio de Palenque ye consideráu'l primer pueblu llibre d'América.[3] Esti pueblu desconocíu, faise famosu na década de los 70, colos combates d'Antonio Cervantes "Kid Pambelé", quien asitió nel mapa mundial a esti pueblu.